استعبااط بعض البنات ...

موضوعي عن استعباط عدد من البنات في امور كتيرة في الحياة و هديكو امثلة كتير و احب اعرف

رأيكم في النهاية ...........
1- هدى راجعة من الجامعة ....

هدى : السلام عليكم يا ماما

الام : و عليكم السلام اتأخرتي ليه و مجتيش بالتاكسي مع بنت عمك ليه دي واصلة من ربع ساعة

هدى : اصل يا ماما حسام زميلي قالي اوصلك بس انا قلتله لا و هو كان مصر اني اركب معاه

الام : و رضيتي تركبي معاه انتي مجنونة و مين سي حسام دا علشان تركبي معاه من قلة المواصلات ان شاء الله تفضلي في الشارع ساعة و لا انك تركبي مع الواد دا ال مصر ال

هدى : يا ماما هو قالي اني مش هلاقي مواصلات دلوقتي و مرديش يمشي غير ما ياخدني معاه و مردتش اكسفه !!

لا جدعة !!!

2- الام : يا رب استر الساعة 12 و الهانم مجتش استر يارب الباب بيخبط يارب تكون هي

هدى : ايه يا ماما معقولة مش سامعة الباب

الام : تعالي هنا كنتي فين يا هانم دا كلو هي دي الساعة اللي هتعديها و راجعة

هدى : يوووه بقة يا ماما ما كل البنات قعدو في العيد ميلاد لحد دلوقتي و كان شكلي هيكون وحش اوي لو مشيت بعد ساعة

الام : يا حببتي شكلك هيبقى وحش و مفكرتيش في شكلي انا و انتي راجعالي فوقت زي دا

هدى : يا ماما خليكي متطورة احنا ف2010 يعني عادي يا ماما

لا فعلا هو دا التطور !!!!

هدى : هاي يا بنات ازيكم

مريم صحبة هدى : هاي يا قمر اعدي

هدى : مرسي .... بس انتو بتضحكو على ايه ؟؟؟؟؟

مريم : لا ولا حاجة ههههههههه

هدى : بطلو رخامة بقة و قولو ليكون في حاجة على هدومي قولو

مريم : اصل هدومك مش لايقة عليكي خالص

هدى : ازاي يعني

مريم : في بنت تكون لابسة لبس شيك كدا و ع الموضة و مش حاطة غير كحل هههههه انتي من ايام عنتر و عبلة و لا ايه

هدى : يا سلام هو انا يعني لازم احط كل المكياج على وشي

مريم : امال ايه يا حببتي دا انتي عندك 18 سنة و مش بتحطي غير كحل يا بنتي دا انتي الوحيدة اللي في الشلة

هدى : ما هو انا نفسي بس اعمل ايه ماما مش راضية

مريم: و هي ماما لازم تعرف من ورا ماما

تاني يوم

هدى : احم احم

مريم : وااااو ايوا كدا هي دي البنات مش كحل

ان شاء الله هتتأفشي

هدى : ايه القرف دا بقى

مريم : ايه مالك زهقانة كدا ليه

هدى : الشاب دا مش راضي يسكت و الا يتعرف عليا

مريم : طب فيها ايه ؟؟!!

هدى : لالا انا مبعرفش على شباب غير في الفيس بوك و بس

لا تعليق