ينفع كدة؟؟؟؟؟؟؟؟

بعد التدقيق الشديد ف شرايط القنوات الفضائية ( شرايط الشات اللى بتبقى متلئحة ف آخر الشاشة !!!! ) و بعد التتنيح بالساعات قدام شاشة التلفزيون .. استطعت بقدرتى العبقرية و الفذة من نوعها أن أستنتج ........... ان نص الشعب حتما ًغبى و عايز الحرق


لأ اللى بيحصل ده مش طبيعى !!! أنا قريت شوية جُمل يا جماعة بجد تنحت قدامها !! و بين كل جملة و جملة كان هيجيلى شلل


إليكم الشلل التالى


*** ممكن حب اسكندرانى***

آيوووووووووووه و ماله !! طبعا زى ما انتوا عارفين فيه حب اسكندرانى و حب قاهرى و فيه فلاحى و فيه صعيدى !!! و اذا مشينا بالحدود شوية هنلاقى فيه حب لبنانى و حب امريكانى و صينى و يابانى !!!! و هكذا و مقولكوش بقى ع الحب المريخى !!!!
و برضه فيه حب بالفراخ و حب بالكباب و فيه بالشطة و اللمون !!!!!!! و يا سلام بقى ع الحب بالجبنة !!!
فظييييييييع !!! خصوصا لما بيتقطع عليه طماطم بيبقى اييييييييييييه مقولكمش


*** أنا 75 سنة ممكن أتعرف على ليدى مناسبة***

خمسة وسبعين سنة يخرببيت كدا و قادر يمسك الموبايل و يبعت مسج ؟؟!!! ما شاء الله لسه ف عز شبابه برضه !! آه و ماله ممكن تتعرف على كركوبة مناسب


*** ممكن واحدة جميلة للصداقة و الحب و ياريت برضه للسفر ***

آه ممكن طبعا !!!
و يا ترى حضرتك عايزها كام سلندر؟؟؟؟؟؟؟؟؟؟

*** أنا شاب متدين ممكن ليدى عندها شقة ***

آه و ماله !! و فيه برضه شقة و عليها ليدى مجانا !!!! و ياترى ايه مواصفات الشقة اللى عايزها ؟؟؟؟؟؟؟؟؟؟؟؟؟؟
*** أنا دلوعة و شبه نانسى عجرم ممكن أتعرف ***

آه و نص !! و ياترى واخدة من نانسى عجرم قفاها و لا كعب رجليها ؟؟؟؟؟؟؟؟
اتدلعى يا اوختى و ماله !! و لما حضرتك أمورة كده امال بتعرضى نفسك ليه ع الشاشة ؟؟؟؟؟ ايه محدش راضى يشترى خلقة نانسى عجرم ؟؟؟ ايه الرجالة بقت بتطس ف نظرها ؟؟؟؟؟؟؟؟؟؟؟؟؟ لأ معندهمش حق(ايه يا وديييييييع )

*** أنا في اعدادى ممكن أتعرف على بنت حلوة ***
هيا جات عليك ؟؟!! و ياترى عايزها ف سنة كام يا حبيبى ؟؟؟؟؟ ابتدائى و لا حضانة ؟؟؟؟؟؟؟ أنا بالشكل ده هيجيلى السكر :

***فلانة : أنا نكدية موت ممكن أتعرف على نكدى و ننكد على بعض ***

*** فلان : أنا نكدى مووووت !! و قعتك سودة و نهارك مش باينله لون ***
كان نفسى أمسكهم هما الجوز و انكد على أهاليهم


*** معاكى فلان ممكن أعرف اسمك سنك وطلباتك ***
آه و ماله أنا فلانة يا ابنى ... و اله يخليك اطلبلى واحد كباب و اتنين بانيه !!!!
احم احم .. و ياريت لو معاهم برجر

*** أنا عايز بنت للارتباط سمرا أو بيضا أو قمحى ما تفرقش ***

فوشيه !!!!!!!!!!!! الفوشيه يمشي معاك؟؟؟؟؟؟؟؟؟؟؟ طب ايه رأيك ف البنفسجى ؟؟؟؟ جديد و منزلش السوق
*** ممكن واحدة جميلة استايل عشان أحبها ***

آه و ماله !! أنا برضه عايزة بطارية للموبايل بتاعى عشان أنا قربت أهنج !!!!!!


*** أنا سى السيد بدور على أمينة تسمع الكلام و تقول حاضر ***

آه و ماله حاضر يا اخويا !!! بقى حضرتك عايز أمينة ؟؟؟؟

وماله
***لو انت بتحبنى بجد ممكن أديلك رقمى !! ***

يا ما شاء الله !!! انتوا بتحبوا بعض الأول و بعدين تتعرفوا على بعض ؟؟؟؟؟؟؟؟؟؟؟؟
تصدقوا بالله أنا دلوقتى بس عرفت أهمية السراية الصفرا

*** فلانة : ممكن تعرفنى على نفسك عشان هنبقى حب العمر ***

*** فلان : هحكيلك عن حياتى كلها !!! .. أنا من النهارده ملك قلبك !!!!!! انتى حددى و انا تحت أمرك ***
أشوف فيكم يوم بحق جاه النبى !!! الدماغ دى معجونة من ايه ؟؟؟؟ أنا خلاص هيجيلى شلل !!! ألطم يا اخوانا ؟؟؟؟؟

***أنا قلبى فاضى .... حد عايزنى أحبه ؟؟؟ ***
بسسسسسسسسسسسسسسسس أنا مُت خلاص بيحسسني بيبيع كيس جووااافة ايه يا عم انت ماتروح تمليه حد حايشك بجد عيال سيييييس ...
***فلانة : عرفنى على نفسك يا فلان و ابعت رقمك .. أنا بحبك أوى ، فلان : أنا اللى بحبببببببك أوييييى يا فلانة !! قوليلى صحيح هو انتى حلوة و لا ؟؟؟؟؟؟؟؟***

كلمة أخيرة :
اللى بيحصل ده كتيييييييييير .. شئ لا قلب و لا عقل ولا منطق ولا دين يقبله .. استهتار و استخفاف بالمشاعر و كذب مالوش نهاية و ضحك ع العقول !!!! و الدهشة انه كل اتنين بينافقوا بعض و الوسيلة الرخيصة ...... الحب !!!!!! مع ان كل كلمة حب غالية أوى .... والمفروض ليها قدسيتها ...ايه اللى جرى للناس ؟؟؟؟؟؟ و ايه اللى جرى للمجتمع ؟؟؟؟؟؟؟؟؟؟

اتمنى تحذورا من الولاد والبنات الي كدة عشان خاطري مش عايزة اخسر حد منكوا بسببهم ههههههه مع ان ضغطي ارتفع وووووف

هههههههههههههههههههه
لا توبيك جامد يابيبو
فعلا في ناس مدمنة الشات دا
والأجمد بقى انهم ساعات يلاقو الي بيدورو عليه وخصوصا بقى بتاع 75 سنة ممكن يلاقي الي من سنو
هههههههههههههههههههه
شكرا ياجميل ع التوبيك

ارق تحياتي

ههههههههههههههههه ي خدمة هههههه دة اساسا قدر يجيب الموبايل ويبعت مسج ازااااااااي يا ربي ع العمووم مرسي يا قمر ع مرووووورك الجمييييل دة وعيزاكي تبقي زي البت الي شبهة نانسي ههههههههههههههه