السلام عليكم ورحمة الله وبركاته
ومساء الخير على الجميع
لأول مرة أسمع سونج راب فيها هدف مميز ومعنوي بالشكل دا
متحاولش تبقى حد تاني ..غير نفسك
خليك واثق في نفسك ..
قوم دور بنفسك جوا نفسك ..هتلاقي حاجة محدش فيها ينافسك
مممممممممممممم
محدش ينكر ان السونج فيها نصايح كتيرة جدا ممكن تغير مفهوم اي بني آدم
اللي عنده مشكلة خصوصاً
قلة الثقة في النفس أو إنعدامها
او مثلا حد يفضل يقول على نفسه
أنا إنسان فاشل وغير منتج ومليش أي أهمية
لا طبعا
محدش فاشل في الحياة
ومحدش اتخلق وملوش دور في الحياة
أكيد عندك حاجة تميزك عن غيرك
يا ترى هل فعلا إنت لقيت الحاجة دي جوا نفسك ولا لأ
ومش عيب تكون لسه ملقتهاش والله
في ناس كتيرة بتلقى ميزتها متأخر
بس بتلقاها
مش شرط تتولد معانا
في ناس بتبقى موهوبة في حاجات من صغرها
والأهل بيلتفتوا لكدا وبيطوروا مع ولادهم
لغاية ما تبقى مهارة عالية
وفي ناس بتهمل دا
سؤالي بقى
يا ترى لقيت الميزة اللي جواك لسه ولا ملقتهاش
واللي لقاها
يا ترى إيه هيا ؟؟
نسمع الردووووود
موضوع: متحــــــــــــــاولش تبقى حد تـــــــــــاني .. غــير نفســـــــك 
السبت 26 يونيو 2010, 2:17 pm
